KQZ pritet të ketë një konferencë urgjente për mediat pas incidenteve të krijuara në Shkodër dhe Tropojë me KZAZ-të.
Nuk dihet se çfarë qëndrimi do të mbajë KQZ, e cila pak ditë më parë mori rolin e Gjykatës duke rrëzuar dekretin e Presidentit Ilir Meta për anullimin e zgjedhjeve të 30 qershorit.
KQZ vijon përgatitjet për zgjedhjet, ndërsa bashkitë e drejtuara nga opozita, janë shprehur në mbështetje të dekretit për anullimin e zgjedhjeve, dhe i kanë kërkuar KQZ lirimin e ambienteve të zëna nga KZAZ-të.
Por vendimi i bashkive është shpërfillur çka ka çuar në përplasje mes bashkive dhe policisë qoftë në Shkodër ashtu edhe në Tropojë.
Në këtë të fundit, ambientet e KZAZ janë shkatërruar tërësisht, përfshi edhe materialet zgjedhore.
