Kryebashkiaku i Kamzës, Xhelal Mziu, u shpreh sot i prerë se në 30 qershor nuk do të ketë zgjedhje. Madje Mziu i ka drejtuar një apel edhe kandidatit socialist Rakip Suli.
I pranishëm në emisionin “KafeIN”, Mziu tha se në zyrën time nuk hyn as Rakip Suli dhe asnjë kandidat i PS.
“Unë do të vazhdoj dhe katër vjet të tjera të jem në krye të bashkisë Kamëz por dhe pas meje do të jetë kandidat tjetër i PD”, tha Mziu.
Sa i takon përplasjes së mundshme civile që mund të ndodhë në këtë ditë, Xhelal Mziu tha se kjo do të ndodhë nëse Rama nuk anulon zgjedhjet.
“Ju them se ai që do e pësojë do të jetë kryeministri Rama”, tha Mziu.
Kryebashkiaku ka akuzuar dhe KQZ që sipas tij po përdoret nga PS.
