Kryetari i Partisë Demokratikë, Lulzim Basha iu shpreh se Edi Rama dhe “qeveria e tij e krimit” është arsyeja pse BE nuk hap negociatat me Shqipërinë.
“Shqipërisë ju mohua për të trentën herë në qeverisjen Rama. Edhe 30 vjet pas rënies së komunizmit mbetemi vendi më larg Evropës. Më i rëndë është fakti që ne shqiptarëve po na vihet në dyshim aftësia për të jetuar sipas vlera të Evropës. Propaganda e Ramës do përpiqet ta mohojë dështimin. Pastaj do gjejë fajtorët. Mos u gënjeni nga propaganda e tij. Ka vetëm një arsye pse na janë mbyllur dyer të Evropës, korrupsioni dhe krimi. Mos dëgjoni helmin që përhap Rama se evropianet janë racistë. Evropianet s’janë kudër Shqipërisë, por kudër krimit”, u shpreh Basha në një deklaratë për mediat pas takimit në Luksemburg të drejtuesve të vendeve të BE-së.
“Sikur Shqipëria të mos ishte kanabizuar, sikur Shqipëria të mos ishte qendër e drogës, sot do të ishim duke negociuar. Sikur Saimir Tahirët, Elvis Roshët, Vangjush Dakot, Damian Gjiknurët të ishin në burg dhe jo të lirë dhe në majat e politikës, ne do të ishim duke negociuar. Sikur drejtorët dhe burokratët t’u shërbenin njerëzve, në vend që të vidhnin vota për partinë, do të ishim duke negociuar. Sikur në vend të fasadave, të kishim ndërtuar porte dhe rrugë, do të ishim duke negociuar. Sikur në bregdet të ishin duke investuar kompanitë europiane dhe jo oligarkët grabitqarë dhe kriminelët që pastrojnë paratë e drogës, do të ishim duke negociuar. Mbi të gjitha, Sikur të kishim zgjedhje të lira, sot do ishim duke negociuar”, u shpreh Basha.
“Liria e popullit për të zgjedhur qeverinë që do, është burimi i lirive politike dhe demokracisë europiane. Fatkeqësisht, Shqipëria sot është shumë larg këtij standardi themelor evropian”, shtoi kryedemokrati.
Kryedemokrati i ka bërë thirrje qyetatrëve të marrin pjesë në protestën kombëtare të së premtes që organizon opozita.
