Prestigjozja gjermane BILD ka publikuar përgjime të reja që implikojnë qeverinë Rama në shitblerjen e votave.
Në një artikull të publikuar këtë të hënë, Bild shkruan: “Përgjimet e publikuara vërtetojnë se si qeveria shqiptare ka manipuluar dhe vjedhur zgjedhjet. Shqipëria është një ndër vendet më të bukura por edhe më të korruptuara në Europë. Ndërsa për turistët është një vend me çmime të lira dhe një natyrë të egër buzë detit Adriatik. Por, vendi është duke kaluar në një kaos total; Shqipëria konsiderohet si një Republikë droge dhe njihet ndryshe si Kolumbia e Europës. Gjithashtu vendi rrezikon të kthehet në një nga shtetet më problematikë dhe pa stabilitet ekonomik në Ballkan. Një nga arsyet më madhore është fakti se vendi drejtohet nga mafia, grupet kriminale, e më pas sepse korrupsioni është kthyer në një fenomen normal dhe blerja e votave githashtu”.
“Për muaj me rradhë vendi është përfshirë nga protesta masive, opozita ka akuzuar qeverinë dhe Kryeministrin e vendit Edi Ramën për manipulimin dhe vjedhjen e votave gjatë zgjedhjeve të vitit 2017, të cilët në bashkëpunim me mafian maxhoranca ka bërë presion mbi votuesit si dhe anëtarët e opozitës”, raporton më tej BILD.
“BILD publikon tashmë regjistrimet e audiove, të marra nga hetuesit shqiptarë, të cilat shpejgojnë me prova ekzistencën e një plani të strukturuar më parë se si Partia Socilaiste, partia që qeveriste vendin gjatë 4 viteve të fundit kishte organizuar vjedhjen e votave për zgjedhjet 2017! Objektivi: mashtrim elektoral, vjedhje votash si dhe kërcëbime të votuesve përkrahës të kampit kundërshtarë”, raporton prestigjozja gjermane. /BOLDNEWS.AL/
