Bashkëshortja e kryeministrit të Izraelit, Sara Netanyahu, është dënuar me një gjobë prej 15 mijë dollarësh, për shpërdorim të fondeve publike në ushqime të shtrenjta.
Sipas prestigjiozes britanike, The Guardian, Netanyahu dhe një punonjës i qeverisë akuzohen për shpërdorim të 100 mijë dollarëve në restorante të shtrenjta nga viti 2010 deri në 2013, pavarësisht se kishin një kuzhinier që ua kishte siguruar shteti.
Ndërkohë që bashkëshortja e kryeministrit të Izraelit, Benjamin Netanjahu, akuzohet dhe dënohet nga gjykata për shpërdorim të fondeve publike, kujtojmë se në vendin tonë shteti nuk ka lëvizur gishtin për krime shumë herë më të mëdha.
Edhe pse kanë dalë përgjime nga media të huaja për blerjen e votave; trafik droge dhe abuzimeve nëpërmjet koncesioneve që kapin shumën e milionave euro, akoma nuk është bërë asnjë arrestim, e madje nuk kanë nisur as hetimet për personat e përfshirë.
