Gazetari Agim Xhafkaj ka ironizuar kryeministrin Edi Rama lidhur me kokëfortësinë që po tregon për të shkuar drejt zgjedhjeve më 30 qershor, pavarësisht se Presidenti Ilir Meta ka anulluar mbajtjen e zgjedhjeve në këtë datë.
Xhafakaj ka bërë një krahasim mes kësaj që po bën Rama dhe atletëve në garat e 100 metrave, kur në jo pak raste arbitri anullon nisjen.
“Të qe Rama në këtë garë nuk e pirdhte fare anulimin. Vazhdonte vetë vrapin, priste triumfator shiritin në fund e donte medalje se s’bën. Grindej e bënte zallamahi me të gjithë deri sa…vinte një ambulancë, e merrte me barelë, e rehatonte në ndonjë pavion”, shkruan Xhafkaj.
Reagimi i Agim Xhafkajt
Keni parë në olimpiada botërore garat e 100 metrave?
Shumë emocionuese.
Shkrepet sinjali me pistoletë dhe go të gjithë.
Por jo rrallë gjyqtari shkrep dy herë. Pra nisja anulohet.
Kthehen atletët te vendet e tyre dhe presin sinjalin e ri.
Të qe Rama në këtë garë nuk e pirdhte fare anulimin.
Vazhdonte vetë vrapin, priste triumfator shiritin në fund e donte medalje se s’bën.
Grindej e bënte zallamahi me të gjithë deri sa…vinte një ambulancë, e merrte me barelë, e rehatonte në ndonjë pavion.
