Kryebashkiakët e opozitës njëzëri kanë mbështetur dekretin e Presidentit Edi Rama për anullimin e zgjedhjeve më 30 qershor.
Kryebashkiakët e PD dhe LSI që drejtojnë plot 21 njësi vendore, nga 61 që janë në total, i kanë kërkuar KZAZ-ve që të lirojnë mjediset ku është menduar ngritja e qendrave të votimit apo Komisioneve Zonale, duke shprehur njëkohësisht mbështetjen dhe respektimin e dekretit presidencial.
Përballë kësaj situate, kryeministri Edi Rama përmes një postimi në rrjet i ka drejtuar një mesazh të zgjedhurve vendor të opozitës që të mos bien viktima dhe të nxjerrin pengesa për zgjedhjet.
“Kryebashkiakë demokratë! Mos bini viktimë e katërshes SB/IM/LB/MK duke nxjerrë pengesa për zgjedhjet.
Referojuni ligjit jo hallit të tyre të madh e as zhurmës së tyre të kotë.
Nuk ju nxorri PS nga gara po ata dhe ata duhet të përgjigjen para jush, jo ju para tyre. Ligji s’ka mëdyshje”, shkruan Rama, duke vijuar me tezën e zhvillimit të zgjedhjeve më 30 qershor.
