Gazetari Armand Maho ka reaguar ashpër përmes një komenti në rrjetet sociale lidhur me arrestimin e anëtares së AMA-s, Suela Musta.
Maho shkruan se arrestimi i saj nuk është ai që thuhet por është një hakmarrje e pastër politike!
“Suela ka qenë pjesë e zyrës së shtypit të PD, ka punuar në zyrën e shtypit të Kuvendit, por është po ajo Suelë që kam njohur këtu e 20 vjet më parë.
Ky njeri që ka vënë çdo media, e çdo redaksi lajmesh nën këmbët e bandave, tashme ka marrë vetë në dore kërcënimin e gazetarëve që nuk jane pjesë e borderosë së tij. Ky arrestim pa shkak, vjen pas shkarkimit të gazetarëve nga puna për rastin e Ardit Gjoklajt, vetëm se nga buka e gojës ka kaluar te hekurat e burgut. Është një shembull që i thotë çdo gazetari që ka një zë në këtë vend, se nesër mund ta ketë radhën ai!”, shkruan Maho.
Postimi i Armand Maho
Kërcënimi që vjen nga arrestimi Suela Mustës!
Suela Musta, është vajza e Agim Mustës, që ka kaluar një jetë burgjeve e internimeve! E njoh prej gati 20 vjetëve, që kur punonte tek Top Albania Radio.
Jeton me prindërit në një pallat të kohës së diktatures, dhe ende ka shumë prej mobiljeve të asaj kohe.
Nëna e saj e sëmurë nga skleroza ndarë nga jeta pak kohë më parë të vetmen përkujdesje kishte Suelën!
Agimi është në moshë të shtyrë dhe s’ka me energjinë e para disa viteve, kur e takova herën e fundit më tha që dilte shumë rrallë nga shtëpia ( kolegët po më thonë që dhe ai paska zënë shtratin)!
Pra ka një mije e një halle. Tani po lexoj se i paska mësyre RENEA në shtëpi për ta arrestuar se medemek paska ndërhyrë për të marrë një licence për TV Kabllor nga fisi Capja në Elbasan.
Në fakt unë se di, por Suela ka qenë vetëm një anëtare e thjeshtë e AMA, besoj se nuk është ajo që vendos për licensat. Por megjithatë, une mendoj se arrestimi i njerëzve si Suela Musta, do të thotë se ky pushtet ka kaluar cdo limit.
Arrestimi i saj nuk është ai që thuhet por është nje hakmarrje e pastër politike! Suela ka qenë pjesë e zyrës së shtypit të PD, ka punuar në zyrën e shtypit të Kuvendit, por është po ajo Suelë që kam njohur këtu e 20 vjet më parë.
Ky njeri që ka vënë çdo media, e çdo redaksi lajmesh nën këmbët e bandave, tashmë ka marrë vetë në dore kërcënimin e gazetarëve që nuk jane pjesë e borderosë së tij. Ky arrestim pa shkak, vjen pas shkarkimit të gazetarëve nga puna për rastin e Ardit Gjoklajt, vetëm se nga buka e gojës ka kaluar te hekurat e burgut. Është një shembull që i thotë çdo gazetari që ka një zë në këtë vend, se nesër mund ta ketë radhën ai!
Pra mos u habisni kur ato pranga të jenë nesër në duart e cdo kujt prej nesh. Shpejt, madje shumë shpejt, po arriti të bëjë zgjedhje më 30 qershor, sepse në gazetarët kemi mbetue i vetmi kërcënim i madh për pushtetin e tij! Unë për vete nuk habitem më, sepse të gjithë jemi fajtor, po po të gjithë , që me veprimet a mosveprimet tona lejuam këtë monstër të merrte pushtetin!
