Gazetari Berat Buzhala ka bërë një paralelizëm mbrëmjen e sotme në emisionin Open mes vendimit të opozitës për të mos hyrë në zgjedhjet lokale dhe atij të kombëtares shqiptare në futboll për të mos hyrë në fushën e Beogradit në vitin 2014-të.
Buzhala thotë se njëlloj si kombëtares 5 vjet më parë, edhe opozitës në Shqipëri i mungojnë kushtet për të ‘luajtur’ përballë mazhorancës në 30 qershor.
“E përmende futbollin. Shqipëria e braktisi lojën me Serbinë në stadium dhe fitoi lojën 3-0, sepse nuk pati kushte për lojë. E braktisi, u ndërpre loja. Tifoz nuk kishte, terreni ishte, por nuk ishte klima. Shqipëria ka elektorat, ka njerëz që kanë dëshirë të votojnë, por nuk ka kushtet për të votuar”, tha gazetari.
Ky qëndrim i Buzhalës u kundërshtua nga ministri Klosi, i cili mbrojti qëndrimin për të hyrë në zgjedhje edhe pa dy partitë opozitare, PD dhe LSI.
