Kriza politike në Shqipëri ka tërhequr vëmendjen e faktorit ndërkombëtar. Së fundmi reagimi ka ardhur nga Italia.
Senatori i “Lega” Manuel Vescovi, anëtar i Komisionit të Jashtëm, shprehet se është duke ndjekur me shqetësim përkeqësimin e situatës politike në Shqipëri.
Senatori Vescovi fton partitë politike të vendosin dialogun si zgjidhjen e vetme politike paqësore dhe demokratike për vendin. Çdo zgjidhje tjetër do të përkeqësonte pashmangshmërisht ngjarjet.
“Presim që Shqiperia të sillet si anëtar i përgjegjshëm i NATO-s dhe jo si një vend qartësisht konfliktual.
Italia beson që vendi i Shqiponjave mund të përmbushë detyrimet e veta duke luftuar në përditshmeri fenomenet e përkeqësuara të kriminalitetit dhe korrupsionit, duke mbajtur dhe ruajtur kryesisht stabilitetin dhe standartet demokratike të cilat do të ishin të pamundura të garantoheshin pa zgjedhje të mirëfillta demokratike”, tha Vescovi.
