Policia ka nisur arrestimet dhe ndalimet e qytetarëve që protestuan sot në Prrenjas kundër Edi Ramës, në një kohë kur ky i fundit kishte planifikuar të prezantonte kandidatin për kryebashkiak.
Mes personave që janë ndaluar nga policia janë edhe drejtuesit e degës lokale të PD-së, Arjan karriqi dhe Leonard Ozuni, përkatësisht kryetar dhe sekretar i degës.
“Pas përbuzjes që Prrenjasi i rezervoi Ramës, ky i fundit i tërbuar nga çmenduria, ka urdhëruar arrestimin e Kryetarit të PD Arjan Karriqi dhe sekretarit Leonard Ozuni.
Dhe anëtarë të tjerë të PD.
I arrestojnë natën si hienat.
Arrestimet politike po arrijnë kulmin!
Njerëz mos keni iluzione!!!
Regjimi po kërkon të instalohet.
Kundër tij duhet angazhim total qytetar!!!! “, shkruan deputeti Luçiano Boçi.
