Pesë ditë nga zhdukja e mistershme e një të riu nga Këlcyra e Përmetit dhe gjetja e tij i mbytur në lumin Vjosa, dalin rezultatet e autopsisë.
Sipas këtyre rezultateve bëhet e ditur se i riu nuk është vrarë apo dëmtuar nga persona të tjerë e më pas të jetë hedhur në lumë, por është mbytur.
Dokumenti i autopsisë tregon që në trupin e të riut janë gjetur vetëm shenja mbytjeje e jo shenja dhune.
Për zhdukjen e Matia Razillarit, familjarët kanë akuzuar një person i cili ka dhënë edhe sqarime në polici.
Personi i akuzuar, Egliter Dosti është shprehur se së bashku me Matian kanë tentuar të kalonin lumin dhe Matia Razillarin e ka marrë rrjedha.
Dosti po kështu i ka thënë policisë se e ka marrë Matian në kurriz dhe kur i ka marrë rrjedha janë frikësuar shumë.
“Unë u frikësova shumë kur na mori rrjedha dhe u largova në Sarandë”- ka thënë Dosti në polici.
