Rilindja me në krye Edi Ramën, mori vendim për të mos njohur dekretin e presidentit Ilir Meta për shfuqizimin e datës së zgjedhjeve, duke vazhduar fushatën normalisht çdo ditë qytet më qytet. Madje të enjte në Parlament do të propozojë shkarkimin e presidentit.
Të njëjtën gjë ka bërë dhe KQZ duke vazhduar punën normalisht me katër anëtarët e mbetur Denar Biba, Bledar Skënderi, Edlira Jorgaqi dhe Rezarta Bitri, pasi kryetari i këtij institucioni, Klemenet Zguri ka bojkotuar mbledhjet.
Por, duket se vendimit të presidentit nuk i është bindur as partia Bindja Demokratike. Kandidatët e saj vazhdojnë fushatën për zgjedhjet vendore, duke njohur si datë 30 qershorin. Arben Skënderi, kanditat për bashkinë e Tiranës dhe Leonard Olli, kandidat për bashkinë e Korçës vazhdojnë takimet e përditshme me banorët e zonave përkatëse.
