Në 28-vjetorin e Partisë Socialiste, zëvendëskryeministri Erjon Braçe, ka zgjedhur që të urojë themeluesit e Partisë dhe çdo socialist të ndershëm shqiptarë, por pa përmendur Edi Ramën, pasi dhe ai është i vetëdijshme se kryeministri përfaqëson Rilindasit dhe jo socialistët.
Në hapje të fjalës së tij para banorëve të Divjakës, Braçe ka uruar 28-vjetorin e krijimit të Partisë Socialiste, ndërsa i shprehu mirënjohje të gjithë socialistëve. Veçanërisht uroi themeluesit e forcës së majtë. “Dua t’ia uroj ditën e lindjes së PS-së, Fatos Nanos, Gramoz Rucit, Dades, Meksit, Moikom Zeqos dhe çdo socialisti të ndershëm.”
Po ashtu, edhe njëherë ai insistoi që zgjedhjet vendore do të mbahen me 30 qershor, teksa shtoi se e drejta e votës nuk mohohet nga askush.
“30 Qershori është një ditë me shenjë ku duhet të ndahemi nga ata njerëz që kanë djegur breza të tërë shqiptarësh në këtë vend. Nuk mund t’ia falim Berishës, Bashës, Kryemadhit dhe Metës edhe një brez tjetër të djegur, duam të shkojmë përpara.
Nuk ka Zot në këtë vend të mohojë të drejtën e votës, kush ka lajthitur i bën llogaritë gabim. Ne nuk shitemi dhe blihemi, ne vetëm fitojmë. Ta harrojmë çdo kush që mund të na pengojnë, pavarësisht ofiqit”, deklaroi Braçe.
