Shifrat më të fundit nga Zyra franceze për mbrojtjen e refugjatëve dhe Opfra shqetësojnë autoritetet.
Sipas Le Figaro, kërkesat për azil nga gjeorgjianët dhe shqiptarët janë veçanërisht shqetësuese.
Kërkesat për azil janë rritur me mbi 86 %. Kështu 3548 raste janë paraqitur gjatë katër muajve të parë të vitit 2019, krahasuar me 1898 gjatë të njëjtës periudhë të vitit 2018.
Numri i shqiptarëve është rritur gjithashtu me 32%. Kërkesat nga guineasit me 33%, malianët 85% dhe haitianët me 69%.
Por megjithëse trendi duket se po ndryshon që nga prilli, numri i afganëve është rritur me 9%.
Sipas dokumenteve të Opfra, 41000 aplikime u regjistruan në katër muaj ose mbi 10000 në muaj mesatarisht.
Sipas Le Figaro, kjo situatë është veçanërisht shqetësuese, veçanërisht me rastet nga gjeorgjiane dhe shqiptarët.
Ministri i Brendshëm Christophe Castaner u takua me homologun e tij shqiptar më 27 prill.
“Veprimet e ndërmarra bashkërisht nga Shqipëria dhe Franca deri tani kanë rezultuar të suksesshme me një rënie prej 25% të aplikimit për azil në Francë në vitin 2018”, u tha në atë kohë.
Kërkesat për azil nga Shqipëria irritojnë shumë vende sepse konsiderohet si një “vend i sigurt i origjinës”.
“Hollanda së shpejti do të kërkonte në Këshillin e Evropës vendosjen e vizave për shqiptarët që hyjnë në Bashkimin Europian”, shkruan Le Figaro.
