Gazetari Arian Çani mbrëmjen e sotme ka thënë në emisionin “Provokacija”se shqiptarët nuk do bëjnë ndonjëherë përplasje civile për votën e lirë.
“Ti mendon që jeton mes banorëve të cilët janë kaq të ndjeshëm dhe kaq koshientë për votën e blerë sa të ngrihen dhe të venë jetën e tyre në rrezik? Ti mendon se jeton me banorë të tillë?
Kam përshtypjen se ke një imazh pak më të bukur seç duhet për banorët që të rrethojnë Muçi. Nuk mendoj se janë kaq njerëz të rafinuar.
Janë më bazikë shqiptarët. Domethënë nuk mendoj se do ngrihen ndonjëherë të bëjnë revolucion apo të bëjnë përplasje civile për votën e lirë. Është luks i madh apo jo?”, tha Çani.
Në vijim gazetari theksoi se ndërgjegjja shoqërore nuk ka arritur dhe ndoshta nuk do të arrijë kurrë që të shkojë në revolucion, të shkojë në një kryengritje apo protestë madhështore për të vënë në jetë apo për të rikthyer në Shqipëri njëherë e mirë votën e lirë.
“Në momentin që Basha lë takim, për mua nuk është populli. Populli nuk ka nevojë për Lul Bashën. Fakti që kjo nuk funksionon atëherë kemi të bëjmë me dy grupe, janë njerëz që duan t’i japin sens jetës së tyre”, tha ai.
