Presidenti Ilir Meta ka reaguar në rrjet lidhur me qëndrimin e mbajtur nga kryeministri Edi Rama, i cili insiston për mbajtjen e zgjedhjeve lokale më 30 qershor.
Rama shkruan në postimin e tij se “zgjedhjet do të mbahen më 30 qershor”, duke iu përgjigjur në këtë mënyrë Presidentit Ilir Meta, sipas të cilit zgjedhjet do të mbahen në një datë që përcaktohet me dekret presidencial.
Ndërkohë, Meta në një postim në rrjete shkruan “‘shqiptarët kanë nevojë për ZGJEDHJE, jo për votime!”. Meta e shoqëron komentin me foton e tij, duke treguar Kushtetutën.
Duket se përplasja mes Kryeministrit dhe Presidentit, përveç deklaratave publike, po bëhet edhe në rrjetet sociale.
