Një person ka mbetur i vrarë me armë zjarri në fshatin Petë të Selenicës. Persona ende të paidentifikuar kanë qëlluar administratorin e njësisë Kote në Vlorës, Argjil Gjoka.
Sipas një rindërtimi paraprak të ngjarjes, Gjoka, së bashku me vëllanë e tij janë konfliktuar me një person tjetër, i cili ka qëlluar me armë duke e lënë të plagosur administratorin e njësisë. Ai u dërgua për në spitalin Rajonal, por nuk mundi të mbijetojë. Autori është ende në arrati, ndërsa raportohet se i plagosur me armë zjarri ka mbetur edhe një tjetër person.
“Në orën 14:43, në rrethana ende të paqarta fshatin Petë të Selenicës, pas një konflikti dyshohet me armë zjarri, ka humbur jetën shtetasi A.Gj, ndërsa shtetasi tjetër A.B ka mbetur i plagosur. Grupi hetimor ka shkuar në vendin e ngjarjes për kryerjen e veprimeve të mëtejshme hetimore”, njoftoi Policia.
Në nëntor të 2018-ës, është vrarë ish-kreu i njësisë Administrative Kote, Fatmir Hodo. Për ngjarjen në atë kohë u arrestua 44-vjeçari Admir Delaj nga fshati Gumenicë. Delaj qëlloi Hodon me armë gjahu pas një bisede të tensionuar për çështje pronësie, në hyrje të një lokali ndërsa të dy kishin konsumuar pije alkoolike bashkë disa minuta para se të ndodhte ngjarja. /BN/
