Juristi Jordan Daci i ftuar në emisionin “360 Gradë” në RTV Ora teksa tha se vendimi i Presidentit është konform me Kushtetutën, u shpreh se shkarkimi i tij mund të ndodhë vetëm në dy raste.
Drejtuesi i emisionit kujtoi se shumë jurist kanë dhënë versione të ndryshme për rolin e Presidentit në këtë moment, madje disa prej tyre i kanë kujtuar edhe burgun.Jurisi Daci deklaroi:
Se paskan lexuar fare Kushtetutën sepse Presidenti i Republikës nuk mban përgjegjësi për asgjë. Presidenti i Republikës shkarkohet vetëm në dy rrethana.
Për kryerjen e një shkelje të rëndë kushtetuese dhe për një krim të rëndë dhe shkarkimi merr fuqi vetëm pas vendimit të Gjykatës Kushtetuese. Ne e kemi kopjuar fjalë për fjalë nenin e Kushtetutës Federale Gjermane, identik edhe presjet janë të njëjta sa i përket shkarkimit.