Kryesia e Partisë Socialiste ka vendosur të shkarkojë Ilir Metën nga posti i Presidentit pasi ky i fundi ç’derektoi 30 qershorin si datën e zgjedhjeje lokale.
Vendimi u bë e ditur nga Elisa Spiropali. Ministrja e Shtetit për marrëdhëniet me Parlamentin, tha në një deklaratë për gazetarët pas mbledhjes se, Parlamenti do zhvillojë të enjten procedurën e shkarkimit të Metës.
Vendimin e Metës për ç’dekretimin e 30 qershorit si data për mbajtjen e zgjedhave lokale, ajo e quajti një akt brutal.
“Patjetër që kryesia ka diskutuar mbi aktin brutal të Metës mbi Republikën. Të enjten në seancën plenare do zhvillohet një debat i gjatë parlamentar duke sjellë argumentet se si Meta ka sulmuar brutalisht Republikën. Ky debat do i përmbledhë gjithë argumentet tona dhe në fund do ti takojë Kolegjit Zgjedhor të zgjedhjeve ta shqyrtojë. Parlamenti do zhvillojë procedurën e shkarkimit të Metës. Do ta nisë menjëherë në seancën e së enjtes”, tha ajo.
Në një konferencë të jashtëzakonshme më herët gjatë kësaj të hëne, Meta deklaroi se dekretimi dhe ç’dekretimi i datës së zgjedhjeve është një detyrë ekskluzive vetëm e Presidentit.
Sipas ligjit, vendimi i Presidentit mund të ankimoret në Gjykatën Kushtetuese, ndërkohë që vendi nuk e ka një të tillë.
Në konferencë, Meta argumentoi arsyet se përse vendosi të shfuqizojë dekretin për zgjedhjet e 30 qershorit. Meta tha se nëse zhvillohen zgjedhjet në 30 qershor, cënohet siguria kombëtare. Ai renditi edhe precedentët në të kaluarën kur janë shtyrë zgjedhjet në vend, për të argumentuar se vendimi për shtyrjen e zgjedhjeve është një vendimmarrje kushtetuese.
Ai i bëri thirrje palëve të dialogojnë dhe të bihen dakort për një datë të re.
