Ish-ministri i Drejtësisë, Ylli Manjani, ka reaguar sërish pas vendimit të Presidentit Ilir Meta për të ç’dekretuar datën e zgjedhjeve.
Në postimin e tij, Manjani shkruan se si datë e re zgjedhjesh lokale pa sforco Kushtetuese mund të ishin datat 14 ose 21 korri, por në kushtet në të cilët jemi dhe pasi vendi ka nevojë për një parlament pluralist, zgjedhjet duhet të bëhen në shtator ose tetor.
Sipas tij Rama duhet të bëhet gati për dy palë zgjedhje.
Ja postimi i Manjanit:
Si datë të re zgjedhjesh lokale mund të ishin datat 14 ose 21 korrik.
Është krejt e mundshme pa sforco ligjore, sepse nga pikpamja Kushtetuese nuk ka asnjë problem.
Por insistoj, vendit i duhet sa më parë Parlamenti pluralist!
Kështu që vendi duhet të bëhet gati për zgjedhje parlamentare në vjeshtë Shtator-Tetor është periudha e duhur…
Këtë gjë planifikonte të bënte edhe Rama, por e kishte në plan pa opozitën….
Pa opozitë nuk ka zgjedhje!
Tani është koha për ndonjë hap pas dhe për t’u përgatitur për të dy palët e zgjedhjeve!
