Ish-deputeti socialist Taulant Dedja ka reaguar ashpër përmes një postimi në rrjet pas deklaratave të kryeministrit Edi Rama se Ilir Meta nuk ka më të drejtë të qëndrojë në zyrën e Presidentit.
Dedja shkruan në “shkarkoni Metën, bëni Gramozin president par interim dhe sillni Nexhmije Hoxhën në krye të PS. Kjo ju ka mbetur o të paudhe!”.
Nga momenti që Ilir Meta bëri të ditur dekretin për anullimin e 30 qershorit si ditën kur do të mbahen zgjedhjet vendore, ka pasur reagime të shumta pro dhe kundër.
Opozita e ka cilësuar si një fitore të parë, rezultat i protestave popullore, anullimin e zgjedhjeve më 30 qershor.
Ndërsa mazhoranca, përmes kryeministrit Edi Rama e ka cilësuar si nul vendimin e Presidentit.
Beteja në vijim pritet të jetë si në aspektin politik ashtu edhe juridik, ndërsa kriza pritet të thellohet, kjo edhe për faktin se Edi Rama nuk ka ndërmend të tërhiqet, ndërsa Gjykata Kushtetuese është jashtë çdo funksioni.
