Mbi 15 persona raportohet se janë ndaluar dhe shoqëruar nga policia pas protestës së djeshme të opozitës.
Gjatë orëve të natës, raportohet se policia ka shoqëruar disa persona, që janë verifikuar në komisariate dhe më pas janë lënë të lirë.
Rreth 15 prej të shoqëruarve janë proceduar në gjendje të lirë, pasi dyshohet se kanë ushtruar akte dhune ndaj punonjësve të policisë.
Nga policia e Tiranës ende nuk ka një njoftim zyrtar lidhur me ndalimet apo shoqërimet, ndërsa burimet bëjnë të ditur se po verifikohen kamerat e sigurisë për të identifikuar personat që kanë ushtruar dhunë apo kanë hedhur lëndë piroteknike ndaj uniformave blu.
Protesta e djeshme e opozitës zgjati për më shumë se 3 orë, ndërsa incidentet janë regjistruar para godinës së parlamentit, ku protestues kanë hedhur fishekzjarre, ndërsa policia ka përdorur ujin me presion dhe gazin për t’i shpërndarë.
Pas çdo proteste të opozitës dhjetra qytetarë janë shoqëruar, ndaluar dhe arrestuar nga policia me argumentet se kanë përdorur dhunë, ndërsa partitë opozitare i kanë cilësuar sit ë burgosur politikë.
