Emri i Ylber Ramadanit ka qenë ndër të parët që ka dalë në skenë si përforcim i mundshëm për Partizanin e sezonit të ri. Ish-mesfushorit i ka përfunduar kontrata me danezët e Veljes dhe të kuqtë janë të interesuar që ta kthejnë sërish Ramadanin, i cili aktualisht është i grumbulluar me ekipin Kombëtar.
“Panorama Sport” ka mësuar se pas përfundimit të ndeshjes së 11 qershorit që Kombëtarja do të luajë ndaj Moldavisë, drejtuesit e kuq do të ulen dhe do të bisedojnë më konkretisht me 23-vjeçarin.
Ramadanin e mori me vete në Danimarkë ish-trajneri Adolfo Sormani te Vleje, por sipas zërave të fundit të meraktos, nuk është çudi që bashkëpunimi i tyre të vijojë sërish, por këtë radhë te “demat e kuq”. Sormani është promovuesi dhe mbështetësi kryesor i Ramadanit, të cilit i besoi te Partizani që 20 vjeç në Kupat e Europës.
