Kryetari i Partisë Demokratike, Lulzim Basha ka dalë nga selia e PS-së për t’iu bashkuar protestuesve para kryeministrisë.
Me anë të një mesazhi në rrjetet sociale, Basha dha mesazhin e parë të kësaj proteste.
“Nuk ka në Evropë kryeministër që kapet duke vjedhur zgjedhjet e nuk çohet para drejtësisë. Nuk ka në Evropë politikan që ta mbushë partinë e tij me 19 përdhunues, vrasës e trafikantë e nuk çohet para drejtësisë. Standardet e Evropës, vlerat e Evropës, normat e Evropës do të kishin diktuar me dhjetëra herë largimin e Edi Ramës e të bandës së tij të grupimeve kriminale. #ShqipëriaSiEuropa“, shkruhet në postimin në profilin e Bashës në Facebook, ku shpërndahet një video e drejtëpërdrejtë nga protesta.
