Kreu i opozitës Lulzim Basha, ka komentuar para mijëra shqiptarëve të mbledhur para kryeministrisë, vendimin e presidentit meta për shtyrjen e datës së zgjedhjeve.
Sipas tij, kjo fitore ju takon vetëm shqiptarëve që protestuan.
“Gjashtë net më parë u zotova para jush se nuk kisha sot fjalë dhe arsye për fjalë, ndaj më lejoni tu shpjegoj arsyen pse po flas sot. Po flas sot sepse arsyeja se këtë javë është se në Shqipëri, në Gjermani dhe në Evropë, është marrë një kthesë e madhe. Ndaj më lejoni ta nis duke ju falënderuar juve që jeni forca më e madhe e ndryshimit që po vjen. Ju jeni fuqia ju jeni forca dhe në këto momente që po flas ashtu seç e keni dëgjuar falë vendosmërisë tuaj të pathyeshme falë bashkimit më të paparë të zemrave dhe mendjeve të shqiptarëve të lirë Presidenti i Republikës ka marrë vendimin për anulimin e 30 qershorit. Datës së planifikuar nga banda e Edi Ramës për të kapur përmes një procesi monist antikushtetues dhe antiligjor pushtetin vendor, vëllezër dhe motra kjo është vetëm rezultat i forcës tuaj të pathyeshme, i qëndresës tuaj, i besimit tuaj të palëkundur tek vlerat Evropiane, që diktoi anulimin e 30 qershorit”, tha Basha.
