Ogerta Manastirliu ishte në Durrës për të inspektuar punimet në pediatrinë e qytetit. Ka bërë edhe një deklaratë. Gjatë fjalës së saj dhe teksa falënderonte deputetët e Durrësit, Manastirliu nuk e ka përmendur faktin se shoqërohej nga deputeti Ilir Ndraxhi. Ky i fundit përmendej në përgjimet e dosjes 339.
“Nuk ndalet kantieri i shëndetësisë, për të përmirësuar standardin e ofrimit të shërbimit shëndetësor, afër vendbanimit,“-shkruan Manastirliu.
Por teksa përmendte deputetët e Durrësit: Milva Ekonomi, Klodiana Spahiu, Fidel Ylli, Roland Xhelilaj dhe kandidaten e PS për Bashkinë e Durrësit, Valbona Sakon, një mungonte.
