Ish-futbollisti i Kombëtares, Shkëlqim Muça, analizoi humbjen e Shqipërisë përballë Islandës me rezultatin minimal 1-0 në ndeshjen e vlefshme për eliminatoret e Europianit.
“Nuk treguam personalitet në fushën e lojës. Nuk krijuam raste, bëmë një lojë relativisht të mirë. Në përgjithësi ishte një ndeshje e mirë, por për objektivat që kemi ne, jemi shumë mbrapa. Nuk jemi skuadër që na ka frikë kundërshtari. Lenjani dhe Hysaj bënë lojë të mirë. Ndërsa 3 mesfushorët nuk ishin në ditën e mirë. Kanë karakteristika të afërta, ishin larg sulmuesve. E merituam humbjen”, u shpreh Muça.
