Analisti Baton Haxhiu, i njohur për mbështetjen që i jep kryeministrit Edi Rama, sa herë ky i fundit ndodhet nën presion, është shfaqur sërisht dje, duke bërë parashikimin e tij mbi atë se çfarë do të ndodhë pas publikimit të përgjimeve në të përditshmen gjermane BILD.
Haxhiu, që më parë u shfaq si një mbështetës i zjarrtë i projektit për shkëmbimin e territoreve mes Serbisë dhe Kosovës, ide që mbështetej nga Hashim Thaçi, Edi Rama dhe Aleksandar Vuçiç, së fundmi ka folur për përgjimet, ku del se Vangjush Dako, kryebashkiaku i Durrësit, ka komunikuar me Astrit Avdylajn.
“Përgjimi është në funksion të mobilizimit, nuk ka asgjë të re nga ky përgjim. Ky është një paralajmërim i mëhershëm se në një situatë si është kjo do përdoret përgjimi për t’i bërë presion Ramës për një qëllim politik… Lul Basha nuk ka karakter për dhunë dhe ky projekt i dhunës nuk është i Bashës… Nuk do ndodhi asgjë pas këtyre përgjimeve, ka thënë Haxhiu në Zonë e Lirë.
