Kreu i opozitës Lulzim Basha, në mbyllje të protestës së 8-të kombëtare, ju ka bërë sërish thirrje qytetarëve që ditët e ardhshme i pret një betejë e fundit që do t’i çojë ata drejt fitores.
Ai tha se opozita dhe shqiptarët nuk do të bëjnë asnjë hap pas.
‘Orët e tiranisë po marrin fund, orët e Shqipërisë si gjithë europa po troket. Po troket dhe nuk ka forcë ta ndalojë, sepse forca më e pandalshme jeni ju. Shqiptarët folën qartë se janë të vendosur për zgjedhje të lira dhe të ndershme. Zëri i sovranit nuk mund të injorohet. Zëri i sovranit nuk mund të diktohet. Kjo është forca jonë, pjesëmarrja bashkimi, qëndresa dhe vendosmëria është forca jonë dhe forca juaj është e pandalshme, Rama ik. Akush dhe aq më pak kreu i bandës në pushtet nuk mund tu pengojë. Forca jonë, forca juaj sa vjen dhe shtohet siç shtohen radhët e protestave tona, siç bëhet çdo orë e çdo ditë më i madh bashkimi i shumicës morale, politikë dhe njerëzore që është sot kjo lëvizje për liri dhe demokraci, ndaj vëllezër dhe motra sot kulari është në qafën e tiranisë, nuk do të jetë më në qafën e shqiptarëve, do ta tërheqim me duar tona, deri sa ta rrëzojmë tiraninë dhe ti japim lirinë demokracisë europiane. E sotmja është një mbrëmje e rëndësishme për betejën tonë. Unë kam qenë jam dhe do të jem gjithmonë në krahun tuaj. Shumica jemi ne, shumica jeni ju, se ne nuk do të hedhim asnjë hap pas deri në realizimin e objektivit tonë. Ne duam vlera dhe standarde europiane. Shqiptarët meritojnë dhe do të kenë qeveri europiane nga shqiptare. Orët dhe ditët e ardhshëm duhet të na gjejnë më të gatshëm se kurrë për të na çuar drejt fitores totale. Bisha e plagosur kriminale do bëjë gjithçka për të ndalur grahmat e fundit të kufomës politike dhe kreut të bandës kriminale Edi Rama, por si kurrë më parë tik-taku i shqiptarëve po dëgjohet edhe më fort deri sa gongu i lirisë dhe demokracisë të shtrijë përdhe tiraninë e krimit6, tu kthejë shqiptarëve gjënë më të shtrenjtë, votën e lirë, pa të cilën nuk ka demokraci, mirëqenie dhe dinjitet’, tha Basha.
