Partitë e vogla të opozitës, i kanë kërkuar Presidentit të republikës, Ilir Meta, që zgjedhjet e 30 qershorit t’i shtyjë me 6 muaj.
Lidhur me këtë kërkesë presidenti ka dhënë një sinjal pozitiv, ndërsa citonte kancelaren gjermane Angela Merkel që thotë: “Çdo gjë, dhe nëse duket e gdhendur në gur dhe e pandryshueshme, në të vërtetë mund të ndryshojë”.
Lidhur me këtë propozim të partive të vogla është pyetur dhe ish-deputeti demokrat Ervin Salianji, i cili është përgjigjur se shtyrja e zgjedhjeve nuk mjafton për të zgjidhur krizën.
Sipas Salianjit si fillim duhet larguar Rama.
“Kjo është për t’u diskutuar si qendrim partiak, por në mendimin tim personal kjo nuk zgjidhet me shtyrje zgjedhjesh. Nuk i jep zgjidhje krizës politike, sociale në të cilën ndodhet Shqipëria. E vetmja zgjedhje është largimi i Edi Ramës. Nuk e di nëse në një moment padiskutim përplasjeje, apo situate që mund të shkojë në përplasje, Presidenti i Republikës mund të ketë tagrin për të gjetur zgjidhje për të lënë hapësira për të gjetur rrugëzgjidhje. Por padyshim që kjo krizë nuk zgjidhet pa largimin e Edi Ramës”, tha Salianji.
