Trajneri i Kombëtares shqiptare, Edi Reja ka folur për largimin e Grezdës ku në media është raportuar për një tension mes futbollistit të Rangersit dhe teknikut italian.
Në një deklaratë para sfidës kundër Islandës, Reja ka “thumbuar” në mënyrë të tërthortë Grezdën i cili sipas tij nuk është i pazëvendësueshëm.
Grezda? Nuk ka një çështje Grezda. Ai ka marrë një vendim të tillë dhe është një përgjegjësi e tij. Kemi pasur pikëpamje të ndryshme. Është në planet tona dhe do të diskutojmë për të ardhmen. Mbi të gjitha ai është shprehur dhe nuk besoj se mund te jem unë pjesë e këtij diskutimi dhe as Federata.
Më mirë të mendojmë ndeshjen, pasi është më e rëndësishme. Janë gjëra që shkojnë në plan të dytë, sepse rëndësi ka Kombëtarja. Ndoshta nuk më njihni dhe mund të ketë keqkuptime.
Unë pres të bëjmë një lojë të mirë dhe kjo është më e rëndësishmja. Diskutimi duhet të shtrihet në rang grupi. Janë të gjithë të vlefshëm dhe askush nuk është i zëvendësueshëm.
Përballja ndërmjet Shqipërisë dhe Islandës do të luhet të shtunën në orën 15:00.
