Këshilltari i Edi Ramës, Baton Haxhiu dhe analisti Arjan Curri, janë përplasur mbrëmjen e sotme në studion e emisionit ‘Zonë e Lirë’, ndërsa diskutonin mbi përgjimet e publikuara nga gazeta gjermane BILD.
Sipas Haxhiut përgjimet po përdoren për t’i bërë presion Ramës.
“Përgjimi është në funksion të mobilizimit, nuk ka asgjë të re nga ky përgjim. Ky është një paralajmërim i mëhershëm se në një situatë si është kjo do përdoret përgjimi për t’i bërë presion Ramës për një qëllim politik… Lul Basha nuk ka karakter për dhunë dhe ky projekt i dhunës nuk është i Bashës… Nuk do ndodhi asgjë pas këtyre përgjimeve, ka thënë Haxhiu.
Ndërkohë sipas Currit përgjimet po tregojnë se sa e rëndë është situata politike në Shqipëri.
“Nuk jam dakort me Haxhiun. Unë vet u shokova, u tmerrova kur eksponentë të krimit marrin guxim e japin urdhëra… Unë them që do ketë një energji të re, njerëzit nga përgjimet fillojnë dhe reagojnë ndryshe, e mendoj mazhorancën në një rënie të lirë”, tha Curi.
