Është kriminale që t’i kërkosh mediave të mos publikojnë një skandal. Është e paprecedent, si e marrin guximin këta prokurorë dhe nxjerrin një urdhër të tillë.
Kështu u shpreh drejtuesi i emisionit Opinion, gazetari Blendi Fevziu, lidhur me urdhërin e dy prokurorëve të Krimeve të Rënda, sipas të cilëve duhet të ndalohet publikimi i përgjimeve dhe dokumenteve që përfshihen në dosjen 339.
Fevziu tha se ky është një skandal që duhet të reagojë Parlamenti.
“Jam i gatshëm t’i publikoj unë dokumentet, kush i zotëron le ti sjellë, dhe prokuroria le të më burgosë”, tha Fevziu, duke shtuar se në vend që të kërcënojnë gazetarët le të çojnë para drejtësisë ata që sot janë të akuzuar.
