Gjykata e Tiranës ka dhënë mesat e sigurimit personal për 42 personat e ndaluar pas protestës së fundit të opozitës në Tiranë. Dy persona u lanë në burg pa afat, 3 në arrest shtëpie dhe për 37 të tjerë u dha masa e detyrim paraqitjes.
Jashtë ambienteve të gjykatës, ish-deputeti Flamur Noka tha se arrestimet e protestuesve ishin me urdhër politik. Për protestën e radhës së opozitës, që do të zhvillohet në Tiranë pasditen e 8 Qershorit, ai tha se do të jetë një leksion që qytetarët do ti japin Ramës.
“Vullkani është duke shpërthyer. Në datë 8, shqiptarët do ti japin leksionin se si nuk pranohet një bandë krimi në pushtet dhe se si duhet që shqiptarët të mësojnë një gjë se vota e lirë të sjell në pushtet. Data 8 qershor do jetë data që do hyjnë për këtë leksion të madh”, tha Ndoka.
Ndërkohë, nga qytetarët që ishin mbledhur para gjykatës, u paralajmërua se në datë 8, protestuesit do shkojnë në Surrel, aty ku Rama banon.
Protesta e radhës e opozitës vjen pas përgjimeve që “Bild” publikoi këtë të mërkurë, nga dosja e shumëpërfolur 339. Përgjimet tregojnë qartë lidhjen e ngushtë të zyrtarëve socialistë dhe personave me rekorde të theksuara kriminale si dhe bashkëpunimin mes tyre për të ndikuar në rezultatin e zgjedhjeve të fundit parlamentare. Në përgjime përmendet disa herë emri i kryeministrit Edi Rama. /bn/
