Gazetari Basir Çollaku paralajmëroi mbrëmjen e sotme se dokumentet e tjera që pritet të publikohen janë edhe më të rënda se 6 përgjimet e publikuara sot nga gazeta gjermane Bild.
“Bild” ka publikuar regjistrime audio të “Dosjes 339/1”, pjesë e së cilës është grupi i Avdylajve të Shijakut.
Në 6 përgjime audio të publikuara online dëgjohet Astrit Avdylaj, që sipas Bild, mbledh vota në favor të kandidatit të Partisë Socialiste në qarkun e Durrësit, Ilir Ndrazhi përpara zgjedhjeve të 2017-s.
Por çfarë materialesh të tjera ka gazetari gjerman? I ftuar në Opinion, gazetari Basir Çollaku tregoi se materialet e tjera që do publikohen janë edhe më të forta.
“Kam qëndruar afër dy ditë me Peter Tiede dhe them që ka materiale të tjera dhe në gjykimin tim janë edhe më të rënda se kaq. Ai ka qenë në gjithë Shqipërinë, duke u marrë dhe me krimin elektoral edhe me trafikun e drogës. Kemi Durrësin, Shkodrën, Lezhën, Hasin dhe Dibrën. Ka materiale që janë zyrtare, që vijnë nga institucionet shqiptare. Edhe për dosje të tjera, që implikojnë persona edhe më të rëndësishëm politikë”, theksoi Basir Çollaku.
Bild publikoi gjashtë përgjime nga dosja 339. Vangjush Dako komunikon në telefon me Astrit Abdylajn. Ky i fundit kontrollon dhe urdhëron pothuajse të gjitha institucionet në Durrës dhe Shijak.
Në përgjimin e 1 Avdylaj kontakton me drejtuesin e Ujësjellësit
Në dy audiopërgjime, 2,3 flitet si të vendoset në listën e kandidatëve të PS-së.
Në audio përgjimin e tretë Astrit Avdylaj zotohet se do të punojë fort, aq sa dhe kryeministri Rama do të surpizohet.
Ne audiopergjimin e 4, Avdylaj flet me një votues të cilit i kërkon të votojë kandidatin e PS-së, Ndraxhi dhe jo Gon Dukes.
Audipërgjimi 5 ka të bëjë me ndërhyrjen për të anuluar gjobat e IKMT-së, të vendosura në Fermë.
Audiopërgjimi 6 ka të bëjë me ndërhyrjen që Avdylaj i kërkon Vangjush Dakos në Zyrën e Regjistrimit të Pasurive.
