Vangjush Dako, kryebashkiaku në detyrë i Durrësit, ka reaguar lidhur me përgjimet e publikuara sot nga gazeta gjermane Bild.
Dako shfaqej në një nga përgjimet duke folur drejtpërsëdrejti me Avdylajt, madje duke lënë takim edhe për të shkuar në një zonë elektorale.
Por reagimi i Dakos ka qenë paksa i habitshëm, duke i cilësuar përgjimet thjesht si çështje mediatike.
“I pashë dhe i dëgjova përgjimet. Për mua janë diçka absurde, sepse unë jam kryetar bashkie dhe telefonin do t’ua hap çdo qytetari. Nuk kam asnjë koment. Kjo është çështje mediatike”, ka deklaruar Dako.
Sipas tij, çështjetn duhet ta zgjidhin organet kompetente.
Ndërkohë prokuroria sot në një reagim tha se po heton mbi zyrtarët që ka dyshime se mund të jenë përfshirë në korrupsion zgjedhor, por gjithashtu nxorri një urdhër që ndalonte publikimin e përgjimeve të dosjes 339.
