Ka ndërruar jetë në moshën 83-vjeçare ish-diplomati austriak, Albert Rohan, i cili ishte i dërguar i OKB-së në bisedimet për statusin e Kosovës dhe kishte kontribuar në krijimin e Planit të Ahtisaarit.
Lajmi për vdekjen e politikanit austriak u bë i ditur nga Ministria e Jashtme e këtij vendi.
Si Sekretar i Përgjithshëm i Ministrisë së Punëve të Jashtme dhe në funksione të shumta ndërkombëtare, Rohan ka pasur një ndikim vendimtar në politikën e jashtme austriake.
“Qysh në vitet 1990, ai luajti një rol të rëndësishëm në formësimin e politikës së Ballkanit”, thuhet mes tjerash në njoftimin e MPJ-së austriake.
Albert Rohan kishte dhënë kontribut të veçantë për statusin e Kosovës gjatë vitit të kaluar kishte thënë se ndarja e Kosovës s’mund të jetë temë e bisedimeve Prishtinë – Beograd.
“Austria ka humbur njërin nga diplomatët më të aftë. Për ministrinë dhe mua personalisht, vdekja e Rohanit paraqet humbje të një modeli të madh”, tha shefi i diplomacisë austriake, Alexander Schallenberg.
Në njoftimin e ministrisë, thuhet se Rohani, në vitet 1990, ka marrë pjesë në hartimin e politikës për Ballkanin, me qëllim të vendosjes së paqes dhe zhvillimit të një perspektive evropiane në këtë rajon.
Rohan i është bashkuar shërbimit diplomatik të Austrisë në vitin 1963 dhe ka shërbyer, mes tjerash, në ambasadat e Austrisë në Londër dhe Beograd.
Zëvendëskryeministri i Kosovës, Enever Hoxhaj, ka thënë përmes një postimi në Tëitter se Rohan ka qenë një nga gjigantët e diplomacisë evropiane dhe një nga paqebërësit më të mirë në Ballkan.
“Ai do të kujtohet për aftësitë e tij të veçanta diplomatike dhe intelektuale, nga i cili kam mësuar shumë për artin e të negociuarit”, është shprehur Hoxhaj.
