Megjithëse përballë kandidatëve të Rilindjes në shumicën e bashkive nuk ka asnjë rival, pasi opozita nuk është regjistruar për zgjedhjet e 30 qershorit, fushata ka nisur dhe socialistët po zhvillojnë monologje në takimet ku mblidhen punonjës të administratës dhe mbështetës të PS-së.
Kështu pothuajse në çdo qytet, kandidatët e Rilindjes po zhvillojnë takime, që duken si një përpjekje për t’i binduir qytetarët të marrin pjesë në votime, sesa për t’i shpjeguar ndonjë program apo për të kërkuar ndjesë sepse nuk kanë realizuar premtimet e mëparshme.
Në Elbasan, kandidati Gledian Llatja nuk ka përtuar t’ia marrë këngës bashkë me një grup muzikor. Madje ai ka menduar që fushatën ta zhvillojë pikërisht me këngën që titullohet ““Elbasan i bukur ti”.
