Nga Boldnews.al
Në fillim gazetari i “BILD” Peter Tiede u telendis nga Rilindja. I blerë, i shitur, ka shkruar pa fakte, i infektuar nga mediat “kazan” dhe opozita në Shqipëri. U tha dhe çfarë nuk u tha për për gazetën dhe gazetarin e BILD, që publikoi në mars të këtij viti shkrimin e parë me titull: “Shqipëria udhëhiqet nga kriminelë dhe gangsterë”… Në mbrojtje të kryeministrit Rama, të Gjushit të Durrësit, Avdylajve të Shijakut dhe zyrtarëve lokal të zhytur krye e këmbë në afera, doli kryetarja e PS-së së Tiranës dhe njëkohësisht deputete Blerina Gjylahmeti.
“Në Shqipëri askush nuk beson vërtetësinë e një artikulli ku dëshmitarë janë një ish ministër i opozitës dhe një gazetar i oborrit të opozitës. Fatkeqësisht, prej parave të pista, të ardhura nga vende të huaja (dhe kjo pistë është nën hetim serioz), përfaqësues të opozites duan thjesht dhe vetëm të botojnë në media ndërkombëtare baltën dhe shpifjen që recitojnë çdo ditë në Shqipëri”-deklaroi Gjylahmeti.
Sot nuk kanë më gojë të flasin, kur gazeta publikon gjashtë audiopërgjime të dosjes 339, që ndodheshin të mbyllur në duart e duart e dyshes Marku-Prela. Por edhe atyre iu “shkau” kjo dosjes, si pa e kuptuar dhe përgjimet sot po i publikon media gjermane. Quaje “kazan” tani kryeministër… Rama do luajë me kohën, që çudia e madhe, në këtë rast meqë është media gjermane, nuk do zgjasë tre, por katër a pesë ditë.
Kërkon që edhe kjo të afumohet, po bëhen gati propaganduesit e vegjël që të thonë: “Nuk ka asgjë të keqe që disa trafikantë të flasin për ndikim në vota, për të kërkuar ndere dhe favore, për të hequr gjoba, për të kërcënuar ndonjë b… q… që vendos ndonjë gjobë sipas rregullave. Dy personazhet Vip janë Vangjush Dako dhe Astrit Avdylaj. Njëri ende kryetar i Bashkisë së Durrësit, mjaft i fortë politikisht, financiarisht dhe bos i tarafeve dhe tjetri i arrestuar dhe proceduar për trafik ndërkombëtar të lëndëve narkotike në kuadër të grupit të strukturuar kriminal.
“Droga-droga-droga, krimi-krimi-krimi… Ky është droga, po krimi”?-pyeste me habi dhe ironi kryeministri Edi Rama teksa në çdo rast tentonte të vinte pushte e më poshtë opozitën. Përgjimet e publikuara nga media gjermane BILD janë vetëm një pjesë e poshtme e piramidës së madhe në dyshimin e shitblerjes së votave në këmbim të pushtetit të Rilindjes së kryeministrit Edi Rama. Po në këto përgjime që mbajnë firmën publikuese të mediave gjermane ka drogë, krim dhe pushtet.
Të ishte një media shqitare që do kishte nxjerrë përgjimet, sot Rama dhe të tijët do merreshin personalisht me të. Do e quanin të shitur, do i vinin edhe shifrën e “pazarit” dhe çdo epitet tjetër. Por kjo është media gjermane dhe ai e di mirë këtë si idhtar i filmave të realizmit socialst do i kujtohet batuta: “nuk bëhet shaka me miellin e gjermanit”…!
