Prej 8 ditësh rezulton e zhdukur. Kjo është historia e 31-vjeçares, Sadie Doçi, e rrëfyer nga nëna e saj, në studion e emisionit me “Zemër të Hapur”.
E gjithë familja e 31-vjeçares është në kërkim të saj, pasi prej tetë ditësh nuk kanë asnjë informacion se ku ndodhet vajza e tyre. Nëna e saj tregon se disa vite më parë e martuan vajzën e tyre me shkuesi dhe se ajo shkoi të jetonte në Greqi.
Në shtetin helen, ajo krijoi familjen dhe u bë nënë e tre fëmijëve. Po ashtu nëna e 31-vjeçares ka treguar se bashkëshorti i saj e dhunonte dhe se vajza e saj filloi të shfaqte probleme shëndetësore dhe humbi ekuilibrin mendor.
6 vite më parë bashkëshorti i saj e solli, atë dhe e la tek shtëpia e prindërve të saj dhe tha vetëm se nuk e donte më.
Më e keqja në gjithë këtë histori është se ajo nuk mund të shikonte, as fëmijët e saj. Kjo sepse ish bashkëshorti i saj nuk ia lejonte.
Nëna e saj ka treguar se një person e telefonoi dhe e premtoi se do e çonte tek fëmijët e saj, vajza e saj u largua nga shtëpia dhe që prej asaj dite prindërit e saj nuk dinë më gjë.
Nëna e saj nga pasditja e të hënës së shkuar e deri me sot ajo nuk di asgjë se ku është e bija.
Ajo ka bërë apel se kushdo që mund ta dijë se ku ndodhet vajza e saj ta ndihmojë që ta gjejnë që ajo të kthehet në shtëpi.
