Një mot i pazakontë ka përfshirë Australinë lindore. Në veri të Queensland me klimë subtropikale, moti i ftohtë ka sjellë reshje dëbore.
Pamje “të rrallë”, është përshkrimi i byrosë Australiane të Meteorologjisë, duke vënë në dukje se shteti nuk kishte përjetuar rënie të konsiderueshme të borës që nga viti 2015, shkruan BBC.
Gjithashtu janë lëshuar paralajmërime për përkeqësim të motit me një shtrirje detare prej 1,000 km, duke përfshirë edhe Sydneyn.
Njerëzit kanë qëndruar në ambiente të mbyllura mes shiut të fortë dhe erërave të forta.
Meteorologu Lachlan Stone tha se dëbora në Queensland, e drejtuar nga ajri më i ftohtë nga jugu, ishte një dukuri e pazakontë në një shtet me një klimë tropikale dhe subtropikale.
Autoritetet thanë se bora kishte rënë pranë qytetit Stanthorpe, 220 km në jug-perëndim të Brisbaunit.
Qyteti regjistroi temperaturat pranë ngrirjes të martën, tha zoti Stone.
Deri në 5 cm dëborë mbuluan edhe rajonin e Maleve të Kaltër, në perëndim të Sidneit, duke shkaktuar mbylljen e rrugëve dhe paralajmërime për udhëtimet.
Byroja e motit tha se erërat e forta përgjatë vijës së bregdetit të Uellsit të Ri Jugor kanë qenë mbi 90 km/orë.
