Partizani edhe këtë sezon do ta nisë me ndryshme të mëdha, që vijnë nga pankina. Pas largimit të Skënder Gegës, për momentin po amplifikohet Zvedek Zeman si trajneri i ri i të kuqve të kryeqytetit. Tekniku bohem njihet për një stil sulmues, kështu që nëse ai firmos, i bie që merkatoja të zhvillohet sipas ideve të 72-vjeçarit.
Me Zemanin në krye të “demave”, mund që të ndryshojë edhe strategjia e meraktos, ku prej ditësh kanë dalë në treg disa emra futbollistësh, si në hyrje, por edhe në dalje. Kështu që për momentin ky proces mbetet në vendnumëro, pasi trajneri mund të ketë ndikimin e tij për lojtarët që janë menduar të larguar, apo si përforcime të mundshme.
Duke ditur se ish-trajneri i shumë skuadrave në Itali është i fokusuar te loja sulmuese dhe ngarkesa e lartë fizike në stërvitje, ndoshta ata që do rrinë dhe ata që do vijnë duhet t’i marrin mirë masat. Pa dyshim, gjetja e një sulmuesi “pykë”, që i përshtatet edhe skemës së trajnerit çek, mbetet një detyrë për t’u realizuar në merkaton e verës./Panoramasport.al/
