Trupi i pajetë i një gruaje është gjetur në bregdet.
Ngjarja e rëndë ka ndodhur në Fier.
Nga raportimet mësohet se trupi i pajetë është gjetur në pjesën e bregdetit të Libofshës, nga një peshkatar.
Gruaja është e moshës rreth 70 vjeç dhe dyshimet janë se mund të jetë mbytur.
Ende nuk dihen shkaqet e ngjarjes, ndërsa policia ka nisur hetimet.
Njoftimi i policisë:
Në datën 04.06.2019, në fshatin Ndërnënas, Libofshë, në bregun e detit është konstatuar nga peshkatarë të zonës një shtetase e pajetë.
Në vendngjarje u nis grupi hetimor i cili konstatoi trupin e një gruaje rreth 70 vjeçe (ende e paidentifikuar) e cila dyshohet se është mbytur në det.
U bë transportimi i saj në morgun e Spitalit Rajonal Fier dhe po punohet për identifikimin e kufomës dhe sqarimin e rrethanave të kësaj ngjarje.