Sizmiologu Rrapo Ormeni thotë se më e keqja ka kaluar. Tërmetet në Korçë kanë terrorizuar banorët e tri fshatrave të cilët kanë dy netë që flenë jashtë.
Në një lidhje telefonike për Report Tv, Ormeni tha se do të ketë goditje të tjera si ajo e mëngjesit të sotëm, por pa dëmtime.
“Vala më e madhe e tërmeteve ka kaluar. Goditjet e mëdha kanë kaluar. Goditja me 3.9 do të ketë, por këto janë goditje pa dëmtime.”-thotë sizmiologu.
Prej tri ditësh, qyteti i Korçës dhe tri fshatra janë nën terrorin e lëkundjeve të tokës. Dhjetra goditje janë regjistruar, ndërkohë që 194 banesa janë të dëmtuara, 94 prej të cilave janë të pabanueshme.
Banorët janë konfliktuar sot me prefektin e qytetit lidhur me kushtet e çadrave, si dhe kanë denoncuar se kushtet janë skandaloze dhe se ndodhen pa ushqim.
