Kryeministri Edi Rama u kujtua të flasë për tërmetet në Korçë vetëm ditën e tretë. Madje nuk nguroi të premtojë se çdo shtëpi do të rindërtohet nga e para me shpenzimet e qeverisë.
Kujtojmë që kryeministri erdhi në pushtet duke ju premtuar shqiptarëve edhe ngjitjen në hënë, por prej 6 vitesh po i futur thellë e më thellë në tokë.
Edi Rama në muajin e fushatës zgjedhore, na ka premtuar shëndetësi falas, sot e paguajmë sa ‘frëngu pulën, na premtoi ulje të taksave, të ujit-energjisë-naftës-shëndetësisë-pastrim gjelbërimit-taksës së biznesit, por të gjitha këto taksa njohin vetëm rritje.
I vetmi premtim i mbajtur është ai i bërë nga Eduart Shalsi, që do të vjedhim, por jo si të tjerët.
“TE GJITHA BANESAT DO TE RINDERTOHEN🤝 – Dje, në Floq dhe Qafëzezë të Korçës, me banorët e prekur nga tërmeti që goditi këtë rajon, si dhe drejtues të institucioneve qendrore dhe lokale. Pas inventarit të dëmeve, nis shumë shpejt dëmshpërblimi dhe rindërtimi për të gjitha familjet e prekura nga kjo fatkeqësi natyrore!”, shkruan Rama, teksa publikon edhe videon ku Spiropali takohet me banorët e prekur.
Nga ana tjetër, opozita e bashkuar ka akuzuar kryeministrin se nuk ka qëndruar pranë banorëve të zonës, por i ka lënë ata në mëshirë të fatit pa asnjë shpresë.
