Një shqiptar dhe dy bashkëpunëtorë të tij kanë rënë në prangat e policisë pasi kanë tentuar të vjedhin apartamentin e gjyshes së shtetasit shqiptar. Ngjarja ka ndodhur në Itali, në Roveta dhe dy bashkëpunëtorët ishin me nënshtetësi italiane.
Gjyshja e shtetasit shqiptar ndodhej në spital pasi po përgatitej për një ndërhyrje kirurgjikale ndërkohë që fqinjët kanë njoftuar policinë pasi kanë dëgjuar zhurma nga apartamenti i të moshuarës.
Të tre hajdutët tentuan të largoheshin me bizhuteritë e të moshuarës së bashku me disa monedha floriri.
Policia arriti të kapte njërin prej tyre kur tentoi të hidhej nga ballkoni, ndërsa dy të tjerët që arritën të arratiseshin nga banesa u ndaluan nga një patrullë tjetër e Karabinierëve në një fushë me grurë.
