Përmbytet Tirana. Reshjet e shiut kanë përmbytur disa nga rrugët në kryeqytet, duke krijuar probleme në qarkullimin e automjeteve, por edhe të qytetarëve.
Ndonëse nuk ka pasur intensitet të lartë reshjesh, rrugët e Tiranës janë bërë të pakalueshme, duke konfirmuar në këtë mënyrë fasadën me të cilën kryebashkiaku Erjon Veliaj qeveris qytetin.
Zona më problematike ka qenë ajo te “21 Dhjetori”, më konkretisht në rrugën “Muhamet Gjollesha”, në pjesën e kryqëzimit pranë Fakultetit të Inxhinierisë së Ndërtimit në Unazë.
Një ditë më parë, pas protestës së opozitës së bashkuar, punonjës të Bashkisë së Tiranës u shfaqën në rrugë për të pastruar, ndërsa ato filmoheshin dhe fotografoheshin nga ata që kujdesen për të ruajtur apo kuruar imazhin e kryebashkiakut.
Sot për të rrëzuar këtë imazh, dhe për fatin e keq të qytetarëve, Tirana u përmbyt, ndërsa Lali Eri pritet të shfaqet diku i rrethuar nga kamerat, duke treguar se po punon.
