Sotiraq Filo, kryebashkiaku aktual i Korçës, dhe Leonard Olli, kandidati i Bindjes në këtë bashki, kanë qenë bashkarisht në fshatin Floq, një nga zonat më të prekura nga tërmetet që goditën këtë qark në 48 orët e fundit.
Nuk dihet nëse Filo dhe Olli kanë shkuar bashkarisht në zonat e prekura, apo e kanë gjetur njëri-tjetrin atje, por ato shfaqen krah më krah me një grup personash pranë.
Filo shfaqet i menduar, ndërsa Olli ka kërkuar shpalljen e gjendjes së jashtëzakonshme në zonat e prekura nga tërmeti, ku janë dëmtuar me dhjetra banesa.
Filo dhe Olli kandidojnë përballë njëri-tjetrit për zgjedhjet vendore të 30 qershorit, proces ku opozita nuk merr pjesë, ndërsa e cilëson farsë atë që po ndodh.
Deri më tani emergjencat civile në Korçë kanë shpërndarë disa çadra për banorët, ndërsa nuk ka pasur asnjë deklaratë nga ana e qeverisë, edhe pse situate e krijuar në Korçë, kryesisht në zonat rurale është e rëndë. Tërmetet e orëve të fundit kanë shkaktuar panik te qytetarët, pasi goditjet kanë qenë revativisht të forta.
