Dy shqiptarë janë arratisur nga burgu i Petru Ralit në Athinë. Bashkë me dy shqiptarët janë arratisur edhe dy gjeorgjianë, raportojnë mediat greke.
Mësohet se personat e arratisur ishin vendosur përkohësisht në këtë burg dhe prisnin transferimin.
Nga raportimet e mediave, mësohet se të arratisurit duke përdorur një mhet të mprehtë, kanë kërcënuar një nga gardianët, duke e detyruar të hapë derën. Më pas duke e çarmatosur, me armën e tij kanë kërcënuar policët e tjerë të burgut, duke siguruar në këtë mënyrë daljen jashtë rrethimit.
Të arratisurit mësohet se ishin arrestuar për grabitje me armë, dhe konsiderohen me rrezikshmëri të lartë.
Mësohet se 4 të burgosurit kanë marrë një makinë policie, që e kanë braktisur më pas, dhe janë larguar.
Ndërkohë policia ka qëlluar me armë, por pa mundur t’i ndalojë.
Policia ka nisur një operacion për kapjen e 4 të arratisurve.
